Samandar Mein Utarta Hoon To Aankhen Bheeg Jaati Hain Teri Aankhon Ko Parhta Hoon To Aankhen Bheeg Jaati Hain Tumhara Naam L...
Samandar Mein Utarta Hoon
To Aankhen Bheeg Jaati Hain
Teri Aankhon Ko Parhta Hoon
To Aankhen Bheeg Jaati Hain
Tumhara Naam Likhne Ki
Ijazat Chhin Gayi Jub Se
Koi Bhi Lafz Likhta Hoon
To Aankhen Bheeg Jaati Hain
Teri Yaadon Ki Khushboo
Khirkiyon Mein Raqs Karti Hai
Tere Gham Mein Sulagta Hoon
To Aankhen Bheeg Jaati Hain
Main Hass K Jheel Leta Hoon
Judaai Ki Sabhi Rasmein
Gale Jub Uss K Milta Hoon
To Aankhen Bheeg Jaati Hain
Na-Jaane Kya Ho Gaya Hoon
Es Qadar Hassas Main, Kab Se?
Kisi Se Baat Karta Hoon
To Aankhen Bheeg Jaati Hain
Wo Sab Guzre Huye Lamhaat
Mujh Ko Yaad Aate Hain
Tumhare Khat Jo Parhta Hoon
To Aankhen Bheeg Jaati Hain
Main Saara Din Bohat Masroof Rehta Hoon
Magar Joonhi Qadam
Chhokhat Par Rakhta Hoon
To Aankhen Bheeg Jaati Hain
Har Ik Mufils K Maathe Par
Alam Ki Dastaanen Hain
Koi Chhehra Bhi Parhta Hoon
To Aankhen Bheeg Jaati Hain
Bare Logon K Onchhe
Badnumaa Aur Sard Mehlon Ko
Garib Aankhon Se Takta Hoon
To Aankhen Bheeg Jaati Hain
Tere Kooche Se Ab Mera
Koi Taaluq Wajabi Sa Hai
Magar Jub Bhi Guzarta Hoon
To Aankhen Bheeg Jaati Hain
Hazaaron Mausamon Ki Hukmarani Hai
Mere Dil Par WASI
Main Jub Bhi Hasta Hoon
To Aankhen Bheeg Jaati Hain
