Hum Ne Suna Tha Sehan e Chaman Mein Kaif K Badal Chhaaye Hain Hum Bhi Gaye Thy Jee Behlaane, Ashk Baha Kar Aaye Hain Phool Khi...
Hum Ne Suna Tha Sehan e Chaman Mein Kaif K Badal Chhaaye Hain
Hum Bhi Gaye Thy Jee Behlaane, Ashk Baha Kar Aaye Hain
Phool Khile To Dil Murjhaae, Shamma Jale To Jaan Jale
Aik Tumhara Gham Apnaa Kar Kitne Gham Apnaaye Hain
Aik Sulagti Yaad, Chamakta Dard, Farozan Tanhai
Pooch Na Es K Shehar Se Hum Kya Kya Sogaatein Laaye Hain
Soye Huye Jo Dard Thy Dil Mein Aansu Ban Kar Beh Nikle
Raat Sitaaron Ki Chhaun Mein Yaad Wo Kya Kya Laaye Hain
Aaj Bhi Sooraj Doob Gaya Be-Noor Ufaq K Sagar Mein
Aaj Bhi Phool Chaman Mein Tujh Ko Bin Dekhe Murjhaaye Hain
Aik Qisaamat Ka Sunata, Aik Bala Ki Taarekhi
Un Galliyon Se Door Na Hansta Chaand Na Roshan Saaye Hain
Pyaar Ki Boli Na Bol Jaalib Es Basti K Loggon Se
Hum Ne Sukh Ki Kalliyan Khoo Kar Dukh K Kaante Paaye Hain
