Yaad Kya Aayen Gy Wo Log Jo Aaye Na Gaye Kya Pazeraayi Ho Unki Jo Bulaae Na Gaye Ab Wo Neendon Ka Ujarna To Nahi Dekhen Gye W...
Yaad Kya Aayen Gy Wo Log Jo Aaye Na Gaye
Kya Pazeraayi Ho Unki Jo Bulaae Na Gaye
Ab Wo Neendon Ka Ujarna To Nahi Dekhen Gye
Wohi Achhe Thy Jinhein Khuwab Dikhaae Na Gaye
Raat Bhar Main Ne Khuli Aankhon Se Sapna Dekha
Rang Wo Phele K Neendon Se Churaae Na Gaye
Baarish Raqs Mein Thin Aur Zameen Saakit Thi
Aam Tha Faiz Magar Rang Kamae Na Gaye
Par Sameite Huye Shaakhon Mein Parinde Aa Kar
Aise Soye K Hawa Se Bhi Jagaae Na Gaye
Taiz Baarish Ho, Ghana Pair Ho, Ik Larki Ho
Aise Manzar Kabhi Shehron Mein To Paae Na Gaye
Roshni Aankh Ne Pee Aur Sar Mazgaan e Khiyaal
Chaand Wo Chamke K Suraj Se Bhujaae Na Gaye
