Mujhe Es Zindagani Se Koi Shikwa Nahin Lekin Zara Si Be-Sakooni Hai Najaane Keun Mere Dil Mein Ajab Ik Khof Rehta Hai Mujh...
Mujhe Es Zindagani Se Koi Shikwa Nahin Lekin
Zara Si Be-Sakooni Hai
Najaane Keun Mere Dil Mein
Ajab Ik Khof Rehta Hai
Mujhe Mehsoos Hota Hai
K Mere Dil K Darwaaze Pah
Teri Yaad Ki Dastak Mein Wo Shiddat Nahin Baaki
Bohat Si Khaas Baaten Hain
Jo Mujh Ko Aam Lagti Hain
Mere Dil Mein Unhein Sunn Kar Koi Tofaan Nahin Uthta
Teri Aankhein, Tera Chhehra
Teri Aawaz Ki Rim Jhim
Sabhi Kuch Khuwaab Lagta Hai
Mujhe Mehsoos Hota Hai
Sunehriyon Titliyon Jaise
Wo Sab Khush Rang Se Sapne
Mere Lafzon K Phoolon Par
Bohat Din Se Nahin Bethy
Mujhe Mehsoos Hota Hai
Samy Ki Tez Lehron Ne
Hamare Rait K Kachhy Gharondy Tor Daale Hain
Mujhe Un Taiz Lehron Se
Sunehriyon Titliyon Jaise
Sabhi Khush Rang Sapno Se
Koi Shikwa Nahin Lekin
Zara Si Be-Sakooni Hai
Mujhe Mehsoos Hota Hai
Tumhare Dil K Darwaaze Par Meri Yaad Ki Dastak
Meri Jaan Ab Nahin Hoti
Meri Jaan Ab Nahin Hota
K Meri Yaad Aaye To
Tumhaari Aankh Bhar Aaye
Duaaen Maangte Lamhe
Mujhe Tum Bhool Jaati Ho
Magar Phir Bhi Mujhe Tum Se
Koi Shikwa Nahin Lekin
Ajab Se Be-Sakooni Hai
Ajab Ik Khof Hai Dil Mein
Main Tum Ko Bhool Jaaun Ga...!!
