Roman Urdu Urdu Audio Video Poet Mujh Ko Baatein Kab Aati Hain Main To Bss Khaamosh Sa Shaair Hoon Ulfat, Chahat K ...
Mujh Ko Baatein Kab Aati Hain
Main To Bss Khaamosh Sa Shaair Hoon
Ulfat, Chahat K Rangon Sey
Dil Ki Khaali Tasweeron Mein
Koi Mohabbat Likh Deta Hoon
Aur Kabhi Deewar Sey Lag Kar
Koi Mohabbat Ro Deta Hoon
Aur Kabhi Aankhon Aankhon Mein
Saari Baatein Keh Jaata Hoon
Main To Ek Khaamosh Sa Shaair
Mujh Ko Baatein Kab Aati Hain
Mujh Ko Baatein Gar Aatin To
Tum Kya Mujh Ko Chhor Kar Jaatin ?
Merey Sapney Torr Kar Jaatin ?
Kya Meri Aankhon Mein Dukh K
Itne Aansoo Dekh Saktin Thin Na
Mera Kul Sarmaya Tha Jo
Kya Woh Mujh Se Ley Saktin Thin ?
Mujh Ko Baatein Gar Aatin To
Main Bhi Tum Sey Woh Sab Kehta
Jo Tum Sun'ney Ki Khuwahish Mein
Saarey Rastey Bhool Aayi Ho
Saarey Rishtey Bhool Aayi Ho
Main Thehra Khaamosh Sa Shaair
Mujh Ko Baatein Gar Aatin To
Tum Bhi Merey Khuwaab Sajaatin
Younh Na Tanha Chhor Kar Jaatin
Kaash Mujhe Bhi Baatein Aatin
